നിലപാട്

യാത്രകൾ ആസ്വാദ്യകരമായിരിക്കണം. ബസ്സ് വിടുമ്പോൾ വായിൽ നിറച്ച് മുറുക്കാൻ വേണം. പതുക്കെ രസമിറക്കണം. സൈഡ് സീറ്റ് വേണം. ടിക്കറ്റെടുക്കുമ്പോൾ സ്ഥലം പറയേണ്ടി വരും. ചിറിയിലുടെ ഒലിച്ചിറങ്ങുന്നത് തുടച്ചെടുത്ത് അത് നോട്ടിൽ തേച്ച് കണ്ടക്ടർക്ക്. പിന്നെ ബസ് സ്റ്റോപ്പിലെത്തുമ്പോൾ പുറത്തേക്ക് ഒരു ചീറ്റൽ.റോഡിലും ബസിന്റെ കമ്പിയിലും പുറത്ത് ബോഡിയിലും നേർത്ത കണികകളായി പിൻവശത്തെ യാത്രക്കാരുടെ ദേഹത്തും.ശേഷിക്കുന്നത് ചിറിയിൽ നിന്നും തുടച്ചെടുത്ത് കമ്പിയിലും.

എന്റെ കാശ്, എന്റെ വെറ്റില, എന്റെ ചുണ്ണാമ്പ് ,എന്റെ പുകല, എന്റെ നിലപാട്.