എന്തിനീ ലഹരി വിരുദ്ധത?
ലഹരിയിൽ നീന്തി തുടിക്കുന്നവരെ
എന്തിനു തടയണം?
ലഹരിയുടെ ചിറകിലേറി അനന്തവിഹായസ്സിൽ
എല്ലാം മറന്ന് വിരാജിക്കുന്നവരെ
എന്തിനു വെറുക്കണം?
സ്നേഹത്തിന്റെ ലഹരിയിൽ അവർ മദിക്കട്ടെ !
പ്രണയലഹരിയിൽ മന്ത്രമുഗ്ദ്ധരാകട്ടെ !
രുചിയുടെ ലഹരി ഭുജിച്ച് അവർ മതിമറക്കട്ടെ !
കർമ്മപഥത്തിൽ ലഹരി മൂത്ത് അവർ
പ്രവർത്തന നിരതരാകട്ടെ !
അവർ ആനന്ദലഹരിയിൽ അറാടട്ടട്ടെ !
മനുഷ്യനെ മനുഷ്യനാക്കുന്ന
മനുഷ്യനെ മനുഷ്യനോട് ചേർക്കുന്ന
സുഖ സുന്ദര ലഹരിയിൽ
അവർ മുങ്ങി നിവരട്ടെ !
അവർ ജീവിതം തന്നെ
ഒരു ലഹരിയാക്കി മാറ്റട്ടെ !!!
No comments:
Post a Comment