Monday, May 8, 2017

കണി

നല്ലതു കാണാൻ നന്നായ് വരുവാൻ
നന്മതൻ പൊൻതിരി കണികണ്ടുണരാൻ
സ്നേഹ പൂത്തിരിവെട്ടം തെളിയാൻ
ദിന രാത്രത്തിൻ സമ ഭാവനയെ
മനസ്സിലിരുത്തി ലോകം കാണാൻ
കൊന്നമരത്തിൻ ചുവടിലിരുന്ന്
ഇളം കാറ്റിൽ പൂമഴ കൊണ്ടു രസിക്കാൻ
മാവും പ്ലാവും തെങ്ങും കനിയും
കൈനീട്ടം കൈ നിറയെ വാങ്ങാൻ
മനസ്സിലൊരിത്തിരി കൊന്നപൂവും
ഉള്ളിലൊരിത്തിരി നെയ്തിരി നാളവും
കൊണ്ടു നടക്കാനായീടേണം.
വർഷം മുഴുവൻ ഒരു നവ ചേതന
മാലോകർക്കായ് നേർന്നീടട്ടെ

No comments:

Post a Comment