ഉത്സവപിറ്റേന്ന്

ചീറ്റിയ പടക്കങ്ങളും
ചിന്നിചിതറിയ കടലാസു കഷണങ്ങളും
പുകയും കരിയും
പാണ്ടുപിടിച്ച മുറ്റങ്ങളും
 ആഘോഷത്തിൻറെ ആലസ്യത്തിൽ നിന്ന് ഉണർന്നെണീറ്റ അവനോടു പറഞ്ഞു.

അടുത്ത ആഘോഷം വരെ
ആവേശം ചോരാതെ നോക്കണം.
പൂത്തിരിയായി പുഞ്ചിരിക്കുക.
പൂക്കുറ്റിയായി സന്തോഷം വാരിവിതറുക.
കതിനകളുടെയും
ഇടിനാദങ്ങളുടെയും
 ആവേശം കൊണ്ട് നിറയട്ടെ
ഈ ലോകം......

നിങ്ങളിലാവേശം വാരിവിതറാൻ ഞങ്ങൾ ഇനിയും വരും.
അതുവരെ
ഉണർന്നിരിക്കുക.
ആവേശത്തോടെ മുന്നേറുക..........💥