നഷ്ടം

ഒറ്റയടിപാതയിൽ ഞങ്ങൾ നേർക്കുനേർ....

ഒന്നും സംഭവിക്കുന്നില്ല .

ഞങ്ങൾ പരസ്പരം തുറിച്ചു നോക്കി....

ഇരുവരും വിട്ടു കൊടുക്കുന്നില്ല.

ഞാനെന്തിനാദ്യം പ്രതികരിക്കണം.

മോന്തകണ്ടാൽ ഞാനെന്തോ കുറ്റം ചെയ്തതു പോലെ.

എൻറെ മോന്തയും അങ്ങനെ തന്നെയാണെന്ന് ഞാനറിഞ്ഞില്ല.

പെട്ടെന്ന് ആ മുഖത്ത് ഒരു ചെറു പുഞ്ചിരി.

അത് തിരിച്ചു കൊടുക്കാൻ സമയം തരാതെ അയാൾ എന്നെ കടന്നു പോയി.

കടം വീട്ടാൻ കഴിയാതെ ഞാൻ തിരിഞ്ഞു നിന്നു.

അതിനു കാത്തു നിൽക്കാതെ അയാൾ യാത്ര തുടർന്നു.

മറ്റൊരു നഷ്ട ഭാരവുമായി ഞാനും.........