ഉത്തുംഗശൃംഗത്തിലുത്തമനായി
സദ്കർമ്മ പാതയിൽ ഉത്സുകനായി

അത്തലൊഴിഞ്ഞൊരു ചിത്തവുമായി
കത്തി പടരുന്നോരാവേശമായി

വിത്തമോഹങ്ങൾ ചിത്തത്തിലില്ലാതെ
പത്തിവിടർത്തുന്നൊരാത്മവിശ്വാസവും

മൂത്തവരൊടെന്നും നമ്ര ശിരസ്കരായ്
ഭക്തിയ്ക്കുയുക്തിയും പക്വവ്യാപാരവും

കീർത്തിയോടൊട്ടുമെ ആർത്തിയില്ലാതെ
ആർത്തനായ്കേഴുന്നവർ ക്കു തുണയായി

ഓർത്തിടും മാലോകർ, എന്നുമവരുടെ
കീർത്തിപരന്നിടുമെന്നതു  നിർണ്ണയം