കാതങ്ങൾ ഇനിയേറെയുണ്ട്

നേരിയ വരമ്പിലൂടെയാണ് 

യാത്രയെന്നത് 

അനുനിമിഷം 

ബോദ്ധ്യണ്ടാകണം.

നല്ല വഴുക്കുണ്ട് 

ചുറ്റും ആഴത്തിൽ ചെളിയുണ്ട് 

ചെളിയിൽ 

പൂണ്ട് പോകാതെ നോക്കണം.

അക്കരെ നടപ്പാത കാണുമ്പോൾ മതിമറക്കരുത് 

ജാഗ്രത കുറയരുത്

ഇരുകാലും 

സുരക്ഷിത താവളമെത്തിയെന്ന ബോദ്ധ്യം വന്നാലല്ലാതെ

സ്വയം മറക്കരുത് 

മതി മറക്കരുത്.

വിജയം സുനിശ്ചിതമാണ് 

പക്ഷെ കരുതലോടെ 

ജാഗ്രതയോടെ 

സമചിത്തതയോടെ 

ഇനിയുള്ള ദൂരവും പിന്നിടണം.

കൈയ്യിലിരിപ്പുകൾ കഴുകിക്കളയണം

ഉള്ളിലിരിപ്പുകൾ ചിതറാതെ നോക്കണം ഏകാന്തതയിലേയ്ക്കുൾ വലിഞ്ഞ് 

വീണ്ടും ആ സുഖദമായ ലോകത്തിൽ പരസ്പരം കൈകോർക്കാൻ 

കരുതലോടെ മുന്നേറണം.

കാതങ്ങളുണ്ട് ഇനിയുമേറെതാണ്ടുവാൻ തലയൊന്നു ചായ്ക്കുവാൻ 

കാതങ്ങളുണ്ടിനിയേറെ താണ്ടുവാൻ