Monday, June 4, 2018

എന്തിനാണമ്മേ ?



അമ്മേ .....
അമ്മയല്ലേ പറഞ്ഞത്
വയറിലെ
എരിച്ചിലടക്കാൻ മാത്രമാണ്
സിംഹം ഇരയെ കൊല്ലുന്നതെന്ന്.

പ്രാണവേദനയെടുത്താൽ
മാത്രമേ
പാമ്പ് കടിക്കുകയുള്ളൂ എന്ന്.

കൂടിൻറെ
സുരക്ഷയ്ക്കായി മാത്രമേ
കടന്നലും തേനീച്ചയും
കുത്തുകയുള്ളൂ എന്ന്

മതിഭ്രമം
വന്നതുകൊണ്ടു മാത്രമാണ്
നായ കടിക്കുന്നതെന്ന്

കുഞ്ഞുങ്ങളെ
നേർവഴിക്ക് നടത്താൻ മാത്രമേ
അമ്മമാർ ശിക്ഷിക്കാറുള്ളൂ  എന്ന്.

എന്നിട്ടെന്താ അമ്മേ
എന്നെ 
പാഷാണം തന്ന് കൊന്നത് അമ്മയാണെന്നവർ പറയുന്നത്........

No comments:

Post a Comment