ടിയാന്‍

വിരസമായ
അർത്ഥശൂന്യമായ
യാത്രയിൽ
ടിയാൻ
എളിമയോടെ
ഇരിക്കാനൽപം
ഇടം ചോദിച്ചു.
അൽപം നീങ്ങിയിരുന്ന
എന്നെ ആദ്യമൊന്ന് തള്ളി
പിന്നെ പൃഷ്ഠം ഉറപ്പിച്ചു.
പിന്നെ ദേഹത്ത് ചാരി
പിന്നെ തൂങ്ങി തോളത്ത് വീണു.
ഇപ്പോൾ
ടിയാൻ
സുഖ സുന്ദര സുഷുപ്തിയിൽ
സ്വപ്നം കണ്ടുറങ്ങുന്നു.
എൻറെ
ചെറിയ ചലനം പോലും
ടിയാൻറെ
സുന്ദര സുരഭില നിമിഷങ്ങളെ
നഷ്ടപെടുത്തുമെന്നതിനാൽ
ഞാൻ അതീവ ശ്രദ്ധയോടെ
കടിച്ച് പിടിച്ചിരുന്നു.
അങ്ങനെ
എൻറെ യാത്ര
തികച്ചും സാരവത്തായി...............