കരിവദന തവചരിത മതിശയമോടിന്ന്
ഉരുവിടുവതിനായതി മോഹമെന്നുള്ളിൽ
Tuesday, August 29, 2017
വിനായക സ്തുതി
ഹിമഗിരി തനയതന്നാരോമലുണ്ണി
കൈലാസ ദേശേ വിളങ്ങുന്ന കാലം
കൈലാസ ദേശേ വിളങ്ങുന്ന കാലം
മാതാവു തന്നാജ്ഞ പാരിപാലനാർത്ഥം
വഴിതടഞ്ഞന്നു ശിവശങ്കരനെയൊരുദിനം
വഴിതടഞ്ഞന്നു ശിവശങ്കരനെയൊരുദിനം
കോപാഗ്നിയാലന്നു ഗളമറുത്തീശൻ
അതുകണ്ടപാർവ്വതീ അനുനയാർത്ഥം
അതുകണ്ടപാർവ്വതീ അനുനയാർത്ഥം
കരിവദനനായ് നീ മരുവിനേനല്ലോ
സുരഗണാധിപനായ് യുദ്ധം നയിച്ചും
സുരഗണാധിപനായ് യുദ്ധം നയിച്ചും
തിങ്കൾ കല തൻറെ ദംഭം ഹനിച്ചും
ഇഹലോക വാസികൾക്കഭയാർത്ഥമായി
ഇഹലോക വാസികൾക്കഭയാർത്ഥമായി
വഴിയിൽ തടയുന്ന വിഘ്നമകറ്റി
വിഘ്ന വിനാശകനായ് വിളങ്ങി നീ
വിഘ്ന വിനാശകനായ് വിളങ്ങി നീ
മൂഷിക രഥ മേറി നീ ഗമിക്കുമ്പോൾ
തോഷഭാവേന വണങ്ങുന്നു ലോകം
തോഷഭാവേന വണങ്ങുന്നു ലോകം
മോദക പ്രിയനേ കുമാര സഹോദരാ
ശബരിമല ശാസ്താവിൻ ഇഷ്ടസഹോദരാ.
ശബരിമല ശാസ്താവിൻ ഇഷ്ടസഹോദരാ.
ആരറിയാതുള്ളു തവ കീർത്തി ഗാഥകൾ
തവഭജനമിഷ്ടമോടുരുവിടുവോർക്ക്.
തവഭജനമിഷ്ടമോടുരുവിടുവോർക്ക്.
ഇഹലോക ബന്ധ നിവൃത്തിയുണ്ടാകും
തവചരണമനുദിനംതൊഴുതുവണങ്ങീടാൻ
തവചരണമനുദിനംതൊഴുതുവണങ്ങീടാൻ
കരുണയുണ്ടാകണേ ഭവഭയവിനാശക
പാഹിമാം പാഹിമാം പാഹി ഗണനായകാ
പാഹിമാം പാഹിമാം പാഹി ഗണനായകാ
പാഹിമാം പാഹിമാം പാഹി ദയാനിധേ
Subscribe to:
Post Comments (Atom)
No comments:
Post a Comment