അഹങ്കാരം

മീമിയെ പിടിക്കുന്നത്
കാണാനാണ്
കുഞ്ഞുമോൻ അച്ഛനൊപ്പം കടപ്പുറത്തെത്തിയത്

അച്ഛൻറെ സൂത്രപണി
അവൻ നേരിട്ട് കണ്ടു.
സാമാന്യം വലിപ്പത്തിലുള്ള
ഒരു മീമി പാറപുറത്ത്
പിടഞ്ഞുകളിക്കുന്നത് കണ്ട്
കുഞ്ഞുമോൻ അച്ഛൻറെ കാലിൽ അള്ളിപിടിച്ചു.
അച്ഛൻ
കയ്യിൽ കരുതിയ വടിയും ചെറുകല്ലിനുമൊന്നും
മീമിയെ അടക്കാൻ കഴിഞ്ഞില്ല.
മീമി കൂടുതൽ കൂടുതൽ ഉയരത്തിൽ എന്തിനോവേണ്ടി ചാടുന്നത് കണ്ട് അവൻ നിലവിളിച്ചു.
ഒടുവിൽ
പാറകെട്ടിനിടയിലെ
ഉരുളൻ കല്ല് തന്നെ വേണ്ടിവന്നു
മീമിയെ അടക്കാൻ.
''ഇനിയെങ്ങനെയാച്ഛാ കറിവെക്യാ ?''
''കറിവെച്ചില്ലേലും വേണ്ടില്ല
അത്രയ്ക്ക് അഹങ്കാരം പറ്റൂല്ല.''

ഒരു ദിവസം
കുഞ്ഞുമോൻ
അച്ചൻറെയടുത്ത് വന്ന്  പറഞ്ഞു
''അച്ഛാ അച്ചാച്ചന് വല്യ അഹങ്കാരമാ
ഒന്നു വേഗം വരൂ''
അച്ഛൻ ഓടിയെത്തുമ്പോഴേക്കും
ആ അഹങ്കാരവും ശമിച്ചിരുന്നു.......